Mugaz gaindiko lehen Udako Unibertsitateak abiatu dira Baionan!

Artikulua euskaraz irakurgai da

Mugaz gaindiko lehen Udako Unibertsitateak abiatu dira uztailaren 18an Baionako Arte-Hirian. Aste batez, Europa osoko espezialistak izanen dira programazio aberats baten inguruan. Klaseak dohainik dira eta denei irekiak.

2022-07-18 (e)an argitaratua

Imprimer

Euskal Hirigune Elkargoko mugaz gaindiko ardura duen Joseba Erremundegi kontseilari ordezkariak aitzin-solasean oroitarazi duen bezala, 2022. urteak Mugaz gaindiko Udako Unibertsitatearen lehen edizioa markatzen du, Baionan. Azken honek eskerrak eman nahi izan dizkio UIK Euskal Herriko Unibertsitateko Fundazioari, udako ikastaroak antolatzen baititu eta Itziar Alkorta zuzendariak astelehen honetan ordezkatzen duena. Goraipatu du « mugaz gaindiko ekimen zehatza, irakasleen, ikertzaileen, biztanleen eta hautetsien arteko ikusmolde trukada bultzatzailea, lurraldeko arazoen inguruan ».

Lehen unibertsitate hauek giza-zientziak ohorean ezartzen dituzte, mugaz gaindiko migrazioaren historiatik tokiko moneten ekarpenera, eta Europa osotik etorriko diren adituen entzuteko aukera emanen dute. Dohainik eta denei irekiak, bost unibertsitateren arteko lankidetza-lanaren emaitza dira: Bordeleko Unibertsitatea, Euskal Herriko Unibertsitatea, Bordele-Montaigne Unibertsitatea, Paueko eta Aturrialdeko Unibertsitatea (UPPA) eta Nafarroako Unibertsitatea, Laurent Bordes UPPAko lehendakariak ordezkatzen dituenak egun, erakundeek (Euskal Hirigune Elkargoa eta Gipuzkoako Foru Aldundia) sustengaturik, bai eta Mathieu Bergék egun ordezkatzen duen Akitania Berria-Euskadi-Nafarroa Euroeskualdearen laguntzarekin.

Jean-René Etchegaray, Euskal Hirigune Elkargoko Lehendakariak eta Markel Olano, Gipuzkoako Diputatu Nagusiak elkarrekin ireki dute “Euskal Eurohiria, mugaz gaindiko polizentrismo-eredua” izeneko lehen ikastaroa eta elkarrekin ezarri dituzte Euskal Eurohiriaren berreraiketa baten oinarriak, erronka garaikideen inguruan, horien artean trantsizio ekologikoa eta energetikoa.

Egitaraua :

11. UZT-20. UZT: Itsasora begiratzen duen Unibertsitatea: ezagutzan zehar nabigatzen Saltillo eskola-ontzian (uztailaren 11tik abian dena)
18. UZT-18. UZT: EUSKAL EUROHIRIA, mugaz gaindiko polizentrismo-eredua
18. UZT-19. UZT: Mugaz gaindiko lankidetza Europako krisien aurrean
19. UZT-20. UZT: Amerikako mugarteko migrazioaren historia eta kultura-irudikapenak
20. UZT-20. UZT: Lurralde garapen solidarioa: tokiko txanponen ekarpena
21. UZT-22. UZT: Itzulpengintza etengabeko eraldaketa teknologikoan murgilduta
22. UZT-22. UZT: Euskararen atlasak: eginikoak eta egitekoak
16. ABU-26. ABU: Basque Summer Tutorial in Language Documentation

UNUM ikastaroak euroeskualdeko hiru hizkuntza ofizialetan (euskara, frantsesa eta gaztelania) izango dira, eleaniztasunaren eta kulturartekotasunaren balioa nabarmentze aldera. Aurrez aurreko ikastaroak izango dira eta, gainera, programazioaren zati bat online ere jarraitu ahal izango da, zuzenean. Izen-ematea doan da, baina nahitaezkoa.