Euskaraldia, berriz abiatu da!

Gauzak ardurenean ezeztatzen diren garai honetan, hona bederen parte hartzen ahalko dugun hitzordu bat. Euskaraldia, hamabost egunez euskaraz ahal bezain bat mintzatzera gomitatzen gaituena, iraganen da datorren azaroaren 20tik abenduaren 4ra.

Ez da beharrezkoa hiztun osoa izatea parte hartzeko; hain zuzen mintzaira batean arizan nahi dugularik sor daitezkeen blokatzeak kentzen laguntzen gaitu, izan daitezela intimoak ala gizarte alorrekoak. Bai eta ere, zenbait kasutan, Xalbadorren mintzairaren baztertzera pusatzen gaituzten ohitura batzuren gainetik pasatzea.

Belarriprest eta ahobizi, bata besteari gehigarriak

Zehazki, nola iragaten ote da? Txapek bi parte hartzaile mota identifikatzen dituzte. Belarripresta, euskara ulertzen duena, berdin mintzatzen dakiena baina, egoera guzietan euskaraz mintzatu gogo ez duena. Txapa ezarriz, beste hiztunak gomitatzen ditu berekin euskaraz aritzera. Elkarrizketa elebiduna izan daiteke. Haatik, Ahobizia engaiatzen da elkarrizketa guziak euskaraz hastera, eta bere solaskidearen mailaren arabera egokitzea.

Etxealditik Euskaraldira: konfinamenduaz baliatzeko, lehenbiziko trebaldi bat

Gaur apirilaren 20an, astelehena, “Etxealditik Euskaraldira” Euskal Herri osoan bultzatua den ekimena hasten da. Euskaraldiaren hats berekoa, nahiantak gomitatuak dira euskara erabiltzera konfinamendu garaian, beren etxean bai eta beren elkarrizketa pertsonaletan eta profesionaletan.

Parte hartzaileek beren esperientziak parteka ditzakete sare sozialen bitartez, bideoak edo argazkiak igorriz helbide honetara: @euskaraldia et #EtxealditikEuskaraldira. Ekimenean parte hartzen dutela erakusteko, beren leihoak edo balkoiak apain ditzakete Euskaraldiaren  sinboloa den kolorezko puntu batez.